【18區搵食-灣仔名物老字號茶餐廳＋脆皮燒春雞】老冰室｜叫成枱嘢$100有找｜沙嗲鮮牛麵｜茶記名物脆皮燒春雞｜雞皮光澤薄脆｜食漢堡包配mocha｜爆汁漢堡

【18區搵食-灣仔名物老字號茶餐廳＋脆皮燒春雞】老冰室｜叫成枱嘢$100有找｜沙嗲鮮牛麵｜茶記名物脆皮燒春雞｜雞皮光澤薄脆｜食漢堡包配mocha｜爆汁漢堡
上集去咗鵝頸熟食中心搵食，今集去埋灣仔搵食先完滿。一講灣仔，真係隨口都講到幾間名店，今集搵咗3間，間間冇伏，又係飽到捧住肚皮嘅一日。

第一間金鳳茶餐廳，老字號冰室，疫情前長期大排長龍。懷舊店面，座位較狹窄，提醒自己要減肥了。網上個個推薦特價午餐，揀咗沙嗲鮮牛麵、火腿奄列、菠蘿油同熱奶茶，跟住呢個配搭絕冇死。強烈點名稱讚佢哋嘅菠蘿油，凍咗都咁好味！

薔紅，由門口到店面都好有年代感，個個嚟到必嗌脆皮燒春雞套餐。1點半後仲有85折，大家可以mark底！話佢係脆皮燒春雞，食落更加似炸子雞。雞皮光澤薄脆，食完滿口雞油，肉嫩，不柴，稱為灣仔名物當之無愧。

最後一間Boy n Burger，主打親民漢堡，下午茶時段抵食！單點漢堡最平$28有交易。今次叫了招牌Bobby burger，另加$30轉套餐，包小食同飲品。據聞佢哋嘅mocha好飲，食漢堡包配mocha又得啫～

金鳳茶餐廳
灣仔春園街41號春園大廈地鋪
特價午餐 $51（鮮油+$4）
菠蘿餐肉蛋包$23（可煎蛋/炒蛋）
酥皮蛋撻 $8

薔紅
灣仔莊士敦道194-204號灣仔商業中心1樓
脆皮燒春雞套餐 $78（1點半後有85折）

Boy n Burger
灣仔莊士敦道206-212號208 Johnston地下3號鋪
Bobby burger $58+$30(轉套餐包小食及飲品)