【幫襯小店】正宗重慶小巷老火鍋料 熱辣辣外賣麻辣雞煲 即煮即送 麻辣湯底打邊爐
過時過節，限聚解封，就要圍爐盡興，食雞煲、打邊爐，暖心窩心。
特別是麻辣火鍋，由幾十種香料堆疊而成的獨特味道，是會叫人吃上癮。若然去過重慶，且愛吃辣，吃香港的重慶雞煲，自必眉頭繃緊，所謂的正宗味道，並非那一回事。
七年前，在重慶工作了一年，吃足一年麻辣火鍋、麻辣麵的香港髮型師Macie，回到香港後，再也找不到令她心心念掛的重慶麻辣味。由於實在太愛吃，於是拜托朋友寄一份重慶火鍋麻辣料解饞。
Macie說重慶正宗麻辣料，最少用三四十種當地特有的香料調製而成，一旦離開重慶，不可能找齊用料，還原相同的味道。
「有冇聽過老火鍋，重慶人會去小街小巷，光顧老字號店鋪，周圍污糟邋遢，好似大牌檔，朋友幫我買一大塊老火鍋麻辣料，真空包裝，裹上很多層保鮮紙寄過來，用來煮雞，結果朋友吃過大讚。」
Macie說近幾年經濟不景，市道差，剪髮賺不了錢，於是在朋友推波助瀾下，做起外賣雞煲生意，名為雞竇。 多得吃過雞煲的朋友真心推介，即使沒設網頁或在FBIG宣傳，幾年來節日前後旺季，生意不差，高峰時段曾通宵四晚準備食材，一日賣二三十個。
客人早一天落單，第二日Macie一早去大埔墟街市購買食材，幫襯的都是她多年來試過吃過，且食材流量快的店子，保證新鮮。
用的二斤重三黃雞，來自街市人氣肉檔，門市零售同時批發給餐廳，流量大，日日賣清，雖是冰鮮貨，相對新鮮。檔口斬雞後，完整一隻獨立包裝，不會雞件混在一起，再分成大概份量。回到工場後仔細清洗雞件，剪掉腳甲，處理雞毛內臟，不會倒出洗手盤隨便沖水便算，確保衛生。
多年來都是一個煲煮一隻雞，Macie說如果當日有二十個雞煲柯打，就會有二十個煲同時煮雞，煮好入盒，傍晚出發，熱辣辣送到客人家裏。
她說重慶人不吃麻辣雞，所以麻辣雞煲的用料比例，試了很多次才滿意。堅持用重慶送來的麻辣料，加自家調製的麻辣粉，一塊五百克，六份一煮雞；餘下大半塊，熬煮成一個濃縮麻辣湯底，食完雞即可用來打邊爐，並不是加普通雞湯，否則就不是麻辣火鍋了。難怪有熟客說Macie的麻辣雞煲，原汁原味，是全港最正宗好味的外賣麻辣雞煲。跟她訂購雞煲連火鍋料，人均二百左右吃到飽，非常抵吃。
除了重慶麻辣雞煲，還有番茄薯仔雞煲、酸菜胡椒雞煲、黑松露芝士雞煲、香辣沙嗲雞煲、薑葱腐乳雞煲、日式京葱味噌雞煲、藥饍黃酒雞煲及最新推出的韓式泡菜雞煲。Macie說雞煲口味不難構思，都是她平日喜歡的菜式演變出來，只是配搭一個味道合拍的湯底才有難度，像番茄薯仔雞，她用八隻番茄加三隻薯仔煮成，跟住家湯無異，沙嗲雞煲湯底濃稠微辣，特製的沙嗲膽，貼近九龍城沙嗲名店水準。
趁疫情結束，家人團聚，今年就來一客美味雞煲過好年。
完整訪問，今晚9點YouTube睇片。
重慶麻辣雞煲 / 番茄薯仔雞煲 / 酸菜胡椒雞煲 / 黑松露芝士雞煲 / 香辣沙嗲雞煲 / 薑葱腐乳雞煲 / 日式京葱味噌雞煲 / 藥饍黃酒雞煲 / 韓式泡菜雞煲
以上雞煲$238/全隻 $178/半隻
雞竇(正宗重慶麻辣雞煲火鍋速遞)
WhatsApp落單：6312 7077(最少一日前落單)
最低消費$800，免車費服務範圍：大圍至上水，其他以外地區需加車費$100-$200。
消費滿指定金額免車費。
編採：Louise Law
攝影：Peter Li、Yau Kok Tat
剪接：Doris Wong
美術：Anita Lam
TalkFood 先填飽肚子再前進
YouTube : https://www.youtube.com/user/TALKFOOD
Facebook : https://www.facebook.com/talkfood
Instagram : https://instagram.com/talkfood?igshid=MTA0ZTI1NzA=
延伸睇片
【吃好吃】心機盆菜 蠔豉似金蠔 老火湯煮蘿蔔 蠔油鮑汁燜花菇
https://www.youtube.com/watch?v=4uZlRkyRulY&t=230s
【街坊嘢】元朗40年牛丸老字號 父子檔凌晨5點開工 每鮮製100%純牛肉丸
https://www.youtube.com/watch?v=nAhqPHHmuQ0
